狗狗勇救遇溺喵星人

有人話喵星人同汪星人勢不兩立，好難先可以一齊相處。不過危急情況下，狗狗都係會伸出援手救貓嘅。有日本網民影到一隻狗狗跳落河中救起一隻遇溺嘅貓仔。貓貓擒上佢背脊，狗狗帶佢安然返上岸。影片原本喺2ch度上載，日本網民留言大鬧拍片嗰個人淨係識得睇，唔幫手救貓。點都可，可以肯定嘅係狗狗性格善良，抵讚。

萌萌動物星球

** 博客文章文責自負,不代表本公司立場 **

北極熊發起威嚟相當兇殘，其他時候都係好傻好天真，對萬事萬物都有份好奇心，咩都玩得一餐。睇吓呢隻北極熊發現咗條褲之後會做出咩搞笑行為！

攝影師話呢隻雌性北極熊喺冰原上發現一條雪到硬崩崩嘅長褲，兩隻手拎住左揈右揈玩咗好耐，曾試過用雙腳撐開，似乎想穿上，認真醒目！無奈佢Pat Pat實在太大，着唔到唯有放棄。北極熊搞笑舉動仲吸引咗佢同伴過嚟，一齊研究研究。

不過咁，條褲好明顯係人類留低嘅垃圾，大家去探北極熊時應該要為佢哋着想吓。佢傻更更食咗落肚咁點算呢！