股市永遠有意外，英國公投脫歐，有主要業務在英倫的匯豐控股(0005)首當其衝，不過會滙豐近公布業績，突然間殺出一招大額回購，涉及資金25億美元，即是194億港元，就硬生生將股價推上去，周四收報53 元，上升2.5%。
滙豐的中期業績本來不佳，截至6月底止中期業績，除稅前利潤為9 7.14億元美元，按年跌28.7%， 其中一個購錢火車頭滙豐香港亦唔得，滙豐香港上半年稅前利潤20 .81億元美元，較去年同期的34.62億元，下跌39.9%。 上半年利潤急跌，未來還有脫歐衝擊另一個主要市場英國的業務， 盈利前景不容樂觀。
睇返滙豐走勢圖，本來都有橫行向下嘅趨勢，但係出一招回購， 就將股價推番近今年4月嘅高位53.45 元，即時扭轉一個下行嘅走勢，變成比較穩定嘅橫行走勢。
滙控一年圖
如果睇滙豐的基本因素，上半年稅前利潤跌28.7%，認真唔多老黎，現價市盈率10.54倍，一隻上半年稅前利潤跌2 8.7%的股票來計，即使維持到7.5來的息率，仍然係買唔過。大家不要忘記，英國將會脫鈎，即使樂觀點估計英國不出現災難性的影響，亦難免令英國滙豐嘅業績進一步倒退，所以睇基本因素，滙豐乏善足陳。
不過股民好易氹，滙豐派息高，再加上有回購計劃， 令人相信將來股價可以保底，再跌也不會跌穿44.5的全年低位。 只要不穿底不斷向下就可以了，橫行上落的高息股，買入可博收7. 5厘息。
另一個股東好氹的例子是中華煤氣(0003) ，佢年年10送一控股，但送紅股只是加大了股本，無增加盈利， 但股東感覺上覺得好着數，不斷去買，搞到煤氣好貴，市盈率升到2 4.9倍的不合理水平，假設滙豐全年利潤是跌28.7%令市盈率 上升到14.8陪，仍然比煤氣的市盈率低。 計呢條數只想話俾大家聽，有時不合理的東西，可以繼續不合理， 甚至更不合理。
無論如何，如果我是一個睇價值的穩陣長揸派，就不會受滙控的回購計劃影響，會趁高減持滙豐。但也要明白，不合理的東西可能繼續不合理，沽空佢繼續升，也不要抱怨，你沽佢只為避險而矣，不是博高回報。
陸羽仁
** 博客文章文責自負,不代表本公司立場 **
與兒時老友食飯，他是穩陣派投資者。 他早兩個月在港股低潮時入了一些貨，問我點睇。 他買的主要是盈富基金（2800）和港交所（388）。
盈富基金近期有微微一級級上的走勢，呢一浪高位比4月高位22元 高，昨收22.75元。不過盈富等如恆指，仍是上落市， 中港經濟未得，不具備大升的條件，近期主要跟美股向上， 美股創新高，港股就上下一年高位。
港交所表現差過大市，所以走勢比盈富差，近期未能形成向上走勢， 4月時見過205.6元高位，這一浪的高位暫時只是194元左右 ，衝不上去，昨收192.1元。
老友說如果大陸有很多資金來港炒股，應該有利港交所， 他又對深港通有啲期望。我反問他大陸的資金也在萎縮， 資金為什麼會走來香港炒？要走資，也走出國外，在外國買樓， 不會在香港炒股。簡言之，港交所，短期內仍會維持弱勢。 直到外資湧港，或內地個市好旺，才會改變。深港通開通， 也要睇大市當時好唔好，若然唔好，不會有大剌激， 滬港通都開通咗，又唔見港好勁。所以買港交所，要睇好長線， 短線仍弱於恒指。
朋友又問，他是早前揸了盈富，現在兩個月已有超過10%的回報， 問我走唔走好？我覺得盈高等同大市，兩個月便有10%的回報， 如果心態不是長線的話，為什麼不走呢？
我有少少靠嚇，講起最近睇到一個銀行買股票免佣的廣告(銀行都免 佣可見競爭幾劇烈)，搵咗鄭少秋秋官出場， 又係一個大時代的架式，你知一講大時代，散戶都怕個市會跌， 我問老友你唔驚呀?(可睇睇秋官表演)
https://goo.gl/we3c9m
可以睇睇一個技術指標，打開盈富股價圖，看它的RSI（ 相對強弱指數）走勢。我分析股票走勢， 一般都不會用很複雜的數據，RSI則可以比較簡單地顯示個別股票 短期的強勢和弱勢。通常70代表相當強勢，30則表示比較弱勢， 股票就係咁，去到好強好弱，都會回頭。盈富每逢去到70之後， 都會出現比較深度的回吐。所以，可以見到RSI升到70或者接近 70時沽出，等跌到30時買回，勝算會比較大。
盈富基金(2800)一年圖，下方紅線是RSI，見到大約在30至70間走動，每上到70後回吐機會頗大。
另外，港股近一年都係弱勢，所以盈富RSI升到70回得好爽，但 RSI跌到30時都未必即彈，通常在低位仲要碌多幾碌才彈。 到當盈富RSI跌到30甚至向下穿時，可以不用急著買入，因為R SI跌穿30時，股價還會出現幾浪的下跌。所以，不妨拖長一、 兩個星期分段買入，可能入貨價會更低。用這個方法，一年走兩、 三轉，高沽低揸，可能會有20%的回報。即使好唔好彩， 買了盈富衰咗，買完再跌，衰極都有個譜。
如果你想炒波幅，不想買煤氣，覺得煤氣貴、風險高， 買盈富的風險會比較低。港股(即係盈富)現價11倍市盈率， 雖然唔算高，但睇港股往績，市盈率回到10倍樓下就安全啲。 我同老友講，在呢啲大時代，買股票兩個月有10%回報， 若是炒一轉，可以在高位減持盈富，候低吸納，好話唔好聽， 沽早咗，都係賺少咗啫，無乜壞噃。
