一個組合有10注點樣分散投資?

好多時有朋友、讀者、網友問我個別股票的問題， 有時覺得唔知佢整個組合情況，唔知點答， 如今可以講講整個組合投資的問題。

網友Miranda買咗中國海外(688)和中航工(2357) ，股票升咗上去，問我如何處理。 這兩隻都是我建議過可以低買高估的股票，688我建議佢等等，2 357的情況複雜少少。

Miranda這樣問:「688~我想分3注入，在$21.5已 購入第一注，下二注的入貨價應該是幾錢呢？今天的收市價是$ 20.55。(她在12月30日提問，周四收市價22.75元) 。另外2357我已在$5.15購入第一注，今天收市價是$5. 34(周四收5.76元), 目標價是幾多錢沽出呢？應否現價再加碼呢？」

我遲了回覆她，在半個月後即上周日(15日)才回答，話「 中航科工你的入價已經是低位，可以5.2、5.1、5元這樣分注 ，但也只是入到一注，早前升穿5.85可沽，如今若再上5.7樓 上可先沽。」

這裏可以拆分幾大類問題。第一是如何定分注價。688她在21. 5元，入了第一注，第二注原可定在21元，第三注可以定在20. 5元。分注的定價也有一些考慮，20.5元原本已是688過去的 一年低位，把第三注定在一年低位，好處是只要它不破位， 你買齊三注時它可能好快見底回升， 不好的地方是定價太低可能買不齊，但今次它略破位低見20.15 元。以這三注平均成本21元，即使你想一成止蝕(雖大股不一定要 止蝕)，也要到18.9時才止蝕，止蝕的機會少一點。

Miranda沒有想好688分注的策略，可能只是買到一注， 所以定好策略很重要，可以幫助你在人人唔敢買時入市。

中國海外一年圖

第二個問題是買不齊怎辦。如果你對那隻股票好有認識好有信心， 在回升時判斷它已見底，即使未到你原先設定買入第二、 三注的價位，也可以追入，但我不建議對股票認識不深者去做。 原因是股票多的是，入唔齊這一隻，可以入另一隻。

假設你有10注錢(買大股可能都要有幾十萬)，只以入688和2 357計，若按足分注策略行事，可以入齊688三注，平均價21 至21.5元左右。可以入到一注2357，大約5.15元(第二 、三注入不到)。10注總投資金額已用了4注， 我以後講多一兩隻股份，你好易用晒10注，只是炒上落市，可以投 注的股份多的是，入不齊也不是大損失，最緊要每隻股都有賺， 買唔齊好快升咗上去，應該是開心而非傷心，唔使擔心另外6注無股 買。

第三個問題是出貨價，我希望每次都有10至20%回報， 盡量不要輸，賺得不夠多不是問題。我同Miranda講佢本應在 5.85元沽貨，原因第一是買入半個月就有13.6%回報， 加上中航科工正常一年也只是在5.1至6元間浮沉， 正常俾你食盡高低位也只是17.6%回報，有得食做乜唔食。 佢錯過5.85個位，我建議佢再上5.7就沽，因為可以有10. 7%回報。至於688，由於佢一年波幅較大，所以可以等吓， 若保守一點，已有10%回報，三注中先沽一注亦得。

中航科工一年圖

另外我唔確定中航科工今次是不是一定到6元就回頭， 睇一年圖係咁，睇三五年圖佢可以升到7元樓上也不出奇， 今次佢升係炒混改(見另文https://goo.gl/TASQek)， 升高啲也有可能，若有兩注或以上，也可以沽一半留一半。 不過有得食可以先食亦得。

中航科工五年圖

最後講多兩句，唔好怕無嘢好買，好股上落得好密，例如中海油( 883)，你9.55元買，10.38元沽，走大約8%的水位， 下次9.65買，高8%又可以沽。

要整個組合咁去睇，若只買大股走波幅，一年整體有20%回報， 就算唔錯啦，巴菲特都無呢個回報呀。

陸羽仁

** 博客文章文責自負,不代表本公司立場 **

港股正受好壞兩重因素夾擊，壞的影響來自美國。美國本周四披露的兩份重磅數據，令市場大驚失色。

美國商務部公佈的數據顯示，美國第一季度實際國內生產總值（GDP）按年率計算增長1.6%，預期值2.5%，去年第四季度終值爲3.4%。美國計GDP方法和外國不同，是按季度表現再年化計算，換言之，這個1.6%增長是以一季度表現推算全年增長率只有1.6%。

通脹方面，美國第一季剔除食品和能源價格的實際個人消費支出指數增長了3.7%，上季前值爲2.0%，爲一年來首次比上季環比加速，這個通脹指標是聯儲局主要參考數據。

市場面對美國經濟增長意外地差、核心通脹頑固的局面，擔憂經濟放緩通脹上升的停滯膨脹風險，似乎正在增加。美股三大指數大跌，利息上升，美元向上。

數據發佈後，利率互換市場改變了對利率預期，目前認爲聯儲局今年要到12月才會啓動降息，而不是11月。市場預計，美國有20%機會，會掉頭加息。

美股杜指上日下跌1%。

美國減息機會渺茫，香港利息短期內不會下降，對樓市特別不利，對股市也有壓抑。

另一方面，本周幾日港股上升和外資睇好有關。今日美股跌港股不跌，和外資睇好中資股票有關。

美資大行高盛近日唱好紅色股。高盛表示，中國重塑資本市場的努力，將大幅提升股票估值。高盛分析師本周二在一份報告中寫話，如果中國市場在股息支付、回購、公司治理和機構所有權等方面改革，縮小與全球領先企業運作的差距，內地A股的估值可能會上漲 40%。

歐資大行瑞銀集團也加入了這一個唱好行列，升級了對香港上市股票和海外上市中概股評級。瑞銀以中資公司的獲利有彈性，又有國家政策支持，將大摩中國指數和港股評級上調至「增持」。

今日恒指人跌佢唔跌，升366點，收17651點，相信和外資睇好，基金補貨有關。港股受冰火兩重因素夾擊，但外資大行睇好，有助抗跌。

港股周五不跌反升2.1%。