壹週刊總編：如賣員工落妓寨 買家要求留低斷然拒絕

壹傳媒宣布洽談以5億出售《壹週刊》予商人黃浩，部份高層員工反應好大，《壹週刊》副社長兼總編輯黃麗裳接受《蘋果日報》訪問時話，「令人最痛心係大股東黎智英先生作出呢個決定」。據知她曾在會上激動拍枱，質疑交易是「賣員工落妓寨」，佢話「係同員工分享之後嘅感覺嚟嘅」，雖然承認當時比較激動。

黃麗裳今早進入高層會議場地時，被壹傳媒記者拍得她激動落淚的照片。她對《蘋果日報》表示反對《壹週刊》賣盤，認為光榮結業是更好的選擇，但「CEO(壹傳媒行政總裁張嘉聲)講到公司考慮到同事嘅飯碗，但壹週刊並唔只是一盤生意，而是一種價值，過去香港出現大是大非嘅時候，(壹週刊)某程度上都有影響力，相信CEO嘅睇法同我哋做編採嘅係有啲南轅北轍。」

被問到易主後《壹週刊》能否保持原有風格，黃麗裳坦言：「冇㗎啦，仲有呀？冇㗎啦，如果單deal(交易)完成，9月尾交俾黃浩營運，所謂嘅壹週刊價值、壹週刊精神已成過去。」她指讀者亦不要預期看到以前的《壹週刊》，「壹週刊係某時間、有班咁嘅同事、咁嘅leader下出現嘅產物，時代唔同咗啦。」

黃麗裳亦認為《壹週刊》的轉型數碼化的策略可能有問題。她在《蘋果日報》訪問中話，對於有員工質疑《壹週刊》營運出問題並非全因政治打壓，她認同「唔賴得晒政治打壓架，係咪策略上有冇錯誤？其實冇人知條路點行，但有啲嘢係咪反應可快啲？係咪追hit rate(點擊率)就可以有生意？」她指現時回想，只能形容是「不務正業」，「同行有冇輸得咁慘呢？我哋過去投資好多令hit rate好啲，推數碼化，但響雜誌未必適合。」

黃麗裳95年港大畢業後加入《壹週刊》，由公司在長沙灣做到將軍澳。行內人話佢為《壹週刊》捱過好多風浪，可以話為公司兩脇插刀，經歷過黑社會上門尋仇，又要捱公司的裁員風暴，想不到最後集團仍然要將雜誌賣盤收場。

據悉黃浩和壹傳媒洽談時，曾要求現有《壹週刊》管理層承諾留下來一段時間，但黃麗裳斷然拒絕。她接受《蘋果日報》訪問時坦言只會工作至9月尾，「我同壹週刊嘅緣份已盡，緣盡就散。」至於會否有同事跟隨離開，她指應由同事自己決定。

Ariel

** 博客文章文責自負,不代表本公司立場 **

法庭昨日決定多4個反對派議員失去資格，令DQ人數升至6人，在補選前的空窗期，建制派可能搶攻修改議事規則，阻止泛民拉布，並懲處行為不檢的議員。

如今立法會的重要議案都要分組點票，要在功能組別和直選組別分別通過。一直以來建制派在功能組別過半數，但反對派在直選組別過半數，等如在分組點票時有否決權。

以現屆議會為例，去年9月選舉後，在地區直選的35席，反對派取得19席，建制派得16席，反對派較建制派多3席，反對派就有分組點票的否決權。但6名反對派議員被DQ後，其中5個來自地區直選，反對派在地區直選議席只餘14席，對建制派逆轉為14席對16席，反對派因而喪失分組點票否決權，再加上建制派本已在功能組別中過半數，目前分組點票兩組變成全由建制派主導。

立法會議事規則委員會早前已建議，研究修改議事規則，包括限制泛民議員拉布、縮減議員發言時間，甚至懲處行為不檢議員。如今再有4個反對派議員DQ後，修改議事規則將加快提上議事日程。

政壇高人估計，建制派有機會一定會改議事規則，因為反對派連番拉布，已令政府陷入無法施政的狀態，而反拉布亦有很高的民意支持。固然泛民也非省油的燈，他們一定會大力向特首施壓，反對修改議事規則。