美國聯儲局12月加咗息，美國又通過稅制改革法案，市場上睇好美國利息前景。美國十年期國債嘅息率升上2.481厘，係近4個月嘅高位。
利息上升自然睇好靠食息差嘅銀行股，早排撞到一個投資銀行家，就同佢傾起明年是否應該買銀行股的問題，佢一個幾有趣的答案，就話睇好內銀股多個過匯控（005）。
佢話利息上升對匯控有利，匯控股價明年或者有良好嘅表現，但係佢唔鍾意匯控嘅業績上落太大，認為睇業績，內銀股的業績可測性高啲。
呢個投資銀行家，睇內資銀行唔睇細股，只睇大股，主要留意工商銀行（1398）同埋建設銀行（939）。佢話內資銀行股呢一兩年的業績只是平穩，盈利只是微升，但未來盈利情況可能會略為好轉，原因之一是息差正在擴闊中，原因之二是可能過去所作的壞賬撥備可能有回撥。
佢話，兩三年前中國經濟去到瓶頸，內資銀行作咗唔少撥備，但過去一年中國經濟回暖，企業盈利回升，這部分出問題的公司經過股權改革之後亦都回穩，所以內銀所作的壞賬撥備可能有回撥，拉動盈利上升。
工商銀行一年圖
佢睇內銀股主要睇工商銀行同建設銀行這些大股，其他中小型銀行佢唔睇，因為嗰啲中小型銀行嘅賬目可能更加古靈精怪，內藏風險。
建設銀行一年圖
而家個股市升近三萬點，接近一年高位，所有股份都比較貴，內資銀行股亦如是，以建行為例，有少少四頂現象，升到7元就回頭，輪走勢比較肉酸。但如果明年股市續升，內資銀行股升唔升，就要睇佢哋業績又冇突破啦。無論如何，內銀股有4厘以上股息，好話唔好聽，睇錯咗放埋一邊，收息都仲有譜嘅。
陸羽仁
** 博客文章文責自負,不代表本公司立場 **
早排騰訊（700）大升，有位散戶問我，他在426元時沽了騰訊 ，換馬到友邦（1299），結果騰訊跌到360幾元反彈， 而友邦下跌，反而要輸錢，問我點算好？
我問他為什麼要賣出騰訊，他說在360元買入4 手騰訊，升到426元沽出，賺了二萬多元。 本來想等騰訊回落之後買回，後來驚驚哋，就走去買友邦， 結果騰訊跌友邦亦跌，把騰訊所贏的錢輸了一半出去， 覺得有點不服氣，問是否應該再買騰訊，好似「chok泥鯭」咁， chok下chok下，高沽低買騰訊？
我說騰訊和友邦兩隻股份的種類不同，有點像蘋果和橙的比較。 騰訊是高增長科技股，預測市盈率52倍； 友邦是相對比較保守的保險股，預測市盈率19倍。 我認為不可以把一隻預測市盈率52倍的股份和一隻19倍的股份等 量齊觀，蘋果同橙不可比較。
如果當日他沽出騰訊的心態是覺得騰訊已經升得太高， 想換一隻比較穩陣的股份的話，選擇友邦也不錯，因為相對而言， 友邦的確比較穩陣，長揸即使高些買入也無壞。 但他現時覺得很遺憾，我認為他把投機和投資的概念混淆了。 以他這種低買高沽、所謂「chok泥鯭chok下chok下」 的心態，其實是一個短炒策略。如果是短炒， 沽了騰訊就不應該買友邦，而是等騰訊回得深一些時買回， 由騰訊轉去友邦，本身就是一個錯誤的轉移， 因為與炒作心態並不吻合，友邦永遠都不會像騰訊般狂升。
騰訊3個月圖
我建議他第一要搞清楚自己想點，想炒股想投機要承認。 第二如果真是想炒的話，應該在反彈時沽出友邦， 等騰訊下一轉再插低時買入。小插後就買入，走短線， 搏一兩日反彈的升幅。若想等上次一樣大插之後買入，甚至可以預埋 10%的止蝕，博佢唔到止蝕，但上望就博佢明年升破高位。
第三，我附帶提醒他，要炒騰訊， 就要知道升得多的科技股的風險會比較高，用十幾萬元買， 遇到大跌市，隨時跌剩幾萬元也不出奇，正所謂食鹹魚抵渴， 有心理準備輸得起，去炒無問題。
要炒股的話，立定心思去炒反而會比較好，因為心態轉來轉去， 又想炒又想投資，反而容易出事。
