要做不老殭屍

朋友傳來一幅特效圖，由6幅奇洛李維斯的圖片砌成，話證實咗佢係不老殭屍。

 

自從有咗「吸血新世代」呢套戲之後，殭屍不再可怕，還是俊男美女的代表。而奇洛李維斯出名靚仔，9GAG創作這幅圖，無非搞吓笑，話佢係不老傳奇。

咁又係，奇洛1964年9月2日出生，如今足50歲，還能保持如此身型樣貌，真係大家學習的對象，男的可學奇洛李維斯，女的可以學學萬綺雯，她也和殭屍有關，拍過套「我和殭屍有個約會」。

好像奇洛那樣不老的秘密是什麼，我覺得有兩大要素，人要夠瘦，頭髮夠黑，頭髮一白，人好像老了二十年，若人肥了，就十足一個中年人了。

下為改圖

可能因為奇洛李維斯靚仔得太緊要，女粉絲追他的行動很猖狂，今年9月12日，他睡醒來發現有一位女粉絲在他的書房，女粉絲表示想見他。奇洛很冷靜地報了警，並讓警察幫女粉絲作心理評測。3日後，有又有第二位女粉絲透過假扮清潔公司員工偷偷進到了奇洛的家，並脫光衣服在浴室洗澡，接著在泳池裸泳。其他清潔人員看見起了疑心，趕緊報警將她帶走。奇洛真是令人羨慕。

我贊成染髮，鼓勵瘦身，這樣就可以做不老殭屍。

Lobo

** 博客文章文責自負,不代表本公司立場 **

早兩次寫到唔同富豪的減肥法，各有根據，有老友睇完問仲有無其他名人有乜古怪減肥法可以參考，見咁高興，又可以寫吓前特首董伯伯的減肥法。

董伯伯睇落有少少肥，但有接觸過佢的老友話，其實董伯唔係肥，只係富貴相，一同佢握手，就知佢係有錢仔出身，因為隻手又肥又厚，正確點講，隻手係又軟又厚，握落好似棉花一樣，甚有貴氣。

講番減肥，老友講起十幾年前董伯伯仲係特首的時候，請我老友食飯，當時係食中餐，分餸個隻，佢見董生食剩唔少，問董生做乜咁細食。

董伯伯話，佢係特登食50%，每一樣餸都係食50%，呢個方法可以稱為「半食減肥法」。董伯話佢做特首應酬好多，差不多每餐飯都有約，係咁食法唔得掂，所以佢自己諗咗個方法，食一半，乜嘢都係食一半，咁食嘢的份量就少咗一半，由於本來應酬的菜都較多，食一半一啲都唔會餓。

董伯提到有時自己唔想食咁多，但同人食飯好難叫人遷就你，與其咁多要求，不如簡簡單單食一半，容易執行。佢實行咗呢個方法後，食嘢少咗，重量輕咗，身體都健康咗。

可能有人會話，董伯伯咁天一半地一半，咪好浪費? 我又唔太同意，呢啲應酬菜，一個人食多食少，唔可以改變大局。食埋另一半好似無嘥，但食咗落肚變咗肥膏，搞到週身唔健康，咪仲嘥?

我聽到任何好減肥方法都想學，聽完董伯伯呢個半食減肥法，就想在飲宴時用，我做生意應酬多，一個月都真係有好多飲宴，有時真係十幾道菜，食到好飽。我就試呢個半食法，發覺真係幾有效，可以食少好多。減肥，真係條條大路通羅馬，至緊要個原理啱。