先祝大家聖誕節快樂！
保利協鑫能源 (3800) 早前宣布五供一供股，搞到股價大插插，插到1.17元，人升佢唔升，接近1.12的供股價。股份將於今個月29號除權，明年開始供股。
持有股份的朋友問我應否供股？我建議如果不是持股過多已經爆倉的話，不妨跟供，或者候其跌穿招股價1.12元時吸納。估計保利協鑫在供股前有機會試一試1.064元的全年低位。
保利協鑫主要做太陽能產業，生產多晶硅和硅片，是全球數一數二的多晶硅生商商。對其供股及公司前景，有人睇好，亦有人睇淡。例如瑞信在保利協鑫宣布供股計劃後睇淡，建議沽售，目標價大降至1.08元。一直睇好保利協鑫的美林美銀，亦因為供股的攤薄效應，將保利協鑫的目標價由2.2元調低至1.9元。不過，保利協鑫早前公布的中期業績不俗，中期盈利下跌了8%，但業績比較穩定，不少大行認為下半年業績會改善，所以看好。
保利協鑫早前以32億元出售其非太陽能發電業務，亦將其中的35%用作特別股息，派給股東。今次保利協鑫和子公司協鑫新能源(451)一同供股集資，保利協鑫供股集資所得，部分用作認購協鑫新能源股份，其他用來作營運開支和減債。由於保利協鑫負債比率比較高，供股以後可將435億元的債務，由高位調低。
目前估計保利協鑫未來仍會走上落，不要期望股價會大好，不過股價因供股試底後，在未來一年見番1.5元上方的機會不小。如果以供股價1.12元或更低位入市，有機會有超過三成的利潤。
太陽能始終是中國鼓勵發展的新能源行業，此前這行業的產能過剩，行業競爭很大，現時仍在消化調整當中。而保利協鑫行業地位比較好，所以股價有一定的抗跌能力，供股集資以後，有現錢在手，所以風險比較低。固然，由於供股不受歡迎，股價因此插低尋底，所以，看中線的話，可以在股價跌至供股價或以下趁低撈，目標看一年，由於股價已下跌，故此是一項風險相對可控的投資。
陸羽仁
** 博客文章文責自負,不代表本公司立場 **
好多人買股只希望一朝發達，最好買只中隻升10倍股、升100倍的股票，呢個夢想大多數買股的人都會發過，但係可以美夢成真的就無幾個人，反而買唔中輸大錢的機會重大，現實就係咁殘酷。
今年到而家都差不多年尾，大家買股票賺錢蝕錢差唔多都睇到晒，如果今年賺大錢，就恭喜你啦，相反如果仲係輸得好甘，就要諗下辦法，明年點樣可以改善，主要係諗諗點樣控制自己買股票的風險。
不過好多時控制風險的方法，知易行難，講就容易，做就執行唔到，所以我自己就諗吓，可唔可以搞個app出嚟，其中某D功能，可以幫大家控制風險。我剛剛和一班IT高人合作搞咗個app，叫做ticker，相信可以幫到大家。
呢個app係一個管理投資組合的工具，由於可以設定多過一個的組合，即時睇到回報，咁就可以係幾方面幫到大家控制風險。
我可以講講控險三招：第一，分開投資與投機。年齡愈大，投機比例要愈少，投資的比例要加大，我在書展見到一個80歲婆婆，佢係咁問我點睇一隻炒股，我話呢D股唔啱你個年齡買，婆婆係錯將投機當投資。用咗個app，可以設一個「投資的我」組合，另一個是「投機的我」組合徹底分開，將細股放晒入投機組合，睇下自己炒出炒入的投機組合，跑唔跑得贏投資組合。
第二，投機組合中的股票，要設一成止蝕。買股時已定好一成止蝕的價位，在app中定好到價提示，一到位就沽，無得等。若買股經常要止蝕，唔係止蝕有問題，係自己有問題，要炒少啲。
第三，投資組合中的股票，若超過理想回報，也可以酌量部分減持，以免大市升完又跌，最後得番個桔。例如假設明年大市上落5000點，最佳回報約兩成，一般有一成回報也可接受，若投資組合有15%升幅時，可以部分減持，鎖定利潤，但不用全部清空。買股最緊要有得贏，不要怕贏得少。
你用咗ticker呢個app，試吓用管理投資組合的角度睇問題，扮吓芬佬，你會有不同的體會，可以用更專業的手法買股票。
ticker網站：https://www.ticker.com.hk/#/
Google Play下載：https://play.google.com/store/apps/details?id=hk.com.ticker&utm_source=ticker_web&utm_campaign=organic&utm_content=organic&utm_medium=Chrome
Apple Store下載：https://itunes.apple.com/hk/app/ticker-xiang-gang-gu-piao/id1056217661?mt=8
