近期內銀大股走勢強橫，周五跌市內銀都跌得少過人，特別是建行(0939)、工行(1398)和農行(1288)走勢特別強橫，3隻都升穿7年高位。以建行為例，2018年之後未上過7元，今次在6月頭升穿7元後，繼續向上，周五收7.63元，跌幅0.1%，少過大市0.6%跌幅。
內銀升到這樣，不能以業績解釋。內銀股大多在4月底公布首季業績，國有5大行只有農行多賺2.2%，工行(1398)及建行(0939)均少賺4%，中行(3988)少賺近3%，郵儲銀行(1658)和商業銀行招商銀行(3968)亦少賺逾2%，淨息差則齊齊顯著收窄10個基點以上。
當時高盛發表研報指出，建行等5間內地大型國有銀行首季純利均略遜預期，其他大型國有企業銀行純利亦按年下跌約2%至4%，除農行外大多數內銀貸款增長都未如預期強勁，相信將引發投資者對於全年度派息能否維持的關注。
不過內銀股在業績後股價跌一跌又上，不斷升穿高位，令證券界跌碎一地眼鏡。
相信內銀的強勁表現和內地5月初公布《公募基金運作管理辦法》修訂版要求有關。新管理辦法對公募基金業績基準有所約束，要求主動權益類基金投資組合與滬深300指數為主的業績比較基準，偏離度不得超過10%，促使公募基金在資產配置上更加與滬深300指數靠攏。內地推出這個新要求，主要針對很多公募基金長期跑輸大市，故要求它們不能再跑輸10%以上。
按照今年首季數據，公募基金在內銀板塊的配置比例約3.5%，相較於滬深300指數權重低配9.99個百分點，相較中證800指數權重低配6.99個百分點。由此可見，A股內銀板塊在公募基金配置比例存在差距。
業績落後的公募基金唯有加注指數權重股應對，特別是加注買內銀股，買A股買不夠，就南下來香港追內銀H股。
建行內地A股由3年多前的2022年10月開始起步，展開一個長期升浪。
睇內銀走勢，建行內地A股由3年多前的2022年10月開始起步，展開一個長期升浪，上升走勢相當完美。建行香港H股遲了一年，由2年多前的2023年10月開始起步，展開一個長期升浪，H股走勢波動大一點。
建行香港H股由2年多前的2023年10月開始起步，展開升浪。
建行A股8.86元人民幣，比H股7.63港元，仍有27%溢價。建行H股雖破晒高位，但現價市盈率也只是5.46倍，息率5.7厘，其實仍然唔貴，今年盈利雖輕微下調，但未至大跌。
內銀股後市唔太識睇，內地利息向下，內銀A股息率4.6厘，仍然是收息之選，若然內銀A股繼續走上升軌，內銀H股升得咁急，應會調整，但深度回調後，長線仍可能反覆向上。
(如想睇多啲陸羽仁分析大市貼股票，即訂閱「石榴台」，逢周日至周五，日日睇陸羽仁專欄，吼實有乜好股可以投資！)
陸羽仁
** 博客文章文責自負,不代表本公司立場 **
