美國總統選舉後，和有炒美股的朋友食飯，佢問我買乜好，我話莫撈科技股，要去買 Goldman，特朗普上台炒口味將由有型有款的新經濟，轉到舊經濟，加上高盛人在幕後為特朗普助拳，必有所獲。結果不幸言中，隻高盛升到阿媽都唔認得。
朋友又問我而家好唔好追，我話美股而家唔平，但高追有風險，逢低吸納，短則玩到特朗普明年1月上台，長少少玩到3月可能收工 。
朋友又問我唔係想食大茶飯，只求有10%回報，若轉炒港股的大股有乜好? 要求10%回報易少少，可以睇三隻。
匯控1年圖
第一隻滙控(005)，在美股散水前，匯控可逢低吸納，起碼可以玩多一個月，佢玩上升軌，上次浪頂會變下次浪底，現價6 5.35元，上次浪頂61元高啲，若回近62可買，升近70走人 ，下方用10%止蝕。
中國海外1年圖
第二隻中海外(688)。大陸樓市被政府調控中，有少少呆， 內房回吐，中海外一直玩上落市，現在回吐中，現價22.4元，2 2元入，27元走，一年都可以走兩轉。下方低10%止蝕。
中海油1年圖
第三隻中海油(883)，佢上落比較密，走一條微微上升軌道， 每次10%多一點波幅，現價10.28元，定9.5元入，賺10 %10.45元走。睇啱位一年可以走多幾轉。也是10%止蝕。
上述三隻都係大股，派3.3厘至6厘息，買錯照收息唔止蝕， 亦得，死唔到人。現價中海外最近，好有機買到， 其餘兩隻到唔到價睇時機。一筆錢一年走得三幾轉，都有20%以上 回報。
陸羽仁
** 博客文章文責自負,不代表本公司立場 **
上期講到有外資證券行高層話，恐怕明年1月會重演今年1月嘅情況，因為人仔大跌，令到港股急跌，叫佢哋嘅客戶小心。
我後來見到中資證券行嘅高層，佢哋的睇法並非如此，話如果不論炒作因素，單論人民幣的走勢，可能到本月中美國聯儲局加息之後，美元的升勢有機會放緩，人民幣短期之內會見個小底。
佢話去年第四季美元上升，人仔初時並無跟隨下跌，累積下來的貶值壓力到今今年頭，先至釋放出來，今年1月急促下跌，亦都影響到港股急跌。不過今次人民幣緊跟美元上升而下跌，在特朗普當選之後，美元指數升咗6%，而人民幣相對地跌咗4%，因為人仔同一籃子貨幣掛勾，不單與美元掛勾，這個跌幅基本上反映咗美元同期嘅升幅。
中資行高層估計人仔緊跟美元下跌的原因，第一係吸收左去年滯後下跌帶來的教訓。第二係明知道特朗普上台將會針對人民幣匯價，所以超前下跌，俾自己有個迴旋空間。
特朗普宣布委任前高盛人姆欽做財政部長，姆欽揚言明年1月上任100日內，會將中國列為匯率操縱國，指控人民幣過度貶值，對美國貿易不利。如果特朗普上台同中國有好多貿易磨擦，中國都要對特朗普讓下步，入市干預，支持一下人仔匯價，所以人仔要在特朗普上台之前超前下跌，藉此支持一下外貿，等特朗普上台之後，人仔下跌空間將會收窄。
美元兌人民幣一年圖
中資證券行高層對人仔匯價的分析，有佢嘅道理，人仔嘅短期下跌浪可能起12結束，等明年初特朗普上台之後，甚至輕微反彈回升，但要注意兩點，第一，如果睇中線，人仔明年還有下跌空間，高盛睇明年年底1美元兑人仔會見7.3 ，若成真距離依家仲有6%嘅跌幅。
第二外資行睇淡，佢地會否做淡呢？要小心。
要買股走中短線嘅朋友，可以等意大利公投前後股市進一步下跌嘅時候，候低吸納，不過明年市場在美元上升嘅大環境下風高浪急，炒股要睇路。
