組合管理 低揸高沽實例篇

大市去到950幾億成交，比較暢旺，有錢炒吓。昨日和朋友談論到個市係短炒還是長炒，有中環茶友話長線睇好，有「債券通」，可能有大行情。我就就話自己只是中短線睇好，只睇一個中小行情，估呢浪炒埋第一季要抖抖，但目前市況仲有得去吓。

去年12月人民幣開始大跌時，我講過幾次人仔可能不再會出現1月下跌，建議大家低位建倉，如12月2日文章「人仔12月見短底」，就係預示今年1月人仔和股市反彈回升，之後亦有不同文章提了一堆股票，叫大家低吸， 當中有些完全見晒低位到晒價如中國海外(688)， 也有些部份到價只買到一注如越秀房產(405)、匯控(005) 和中航科工(2357)等等。

後來在1月20日我又寫了「一個組合有10注點樣分散投資?」網友May不斷追問究竟如何用我建議的股份設立組合，話見跌又唔敢買，升又唔敢沽，想有個參考。我本來不想設組合，因為想大家自己熟習買賣技巧，自己思考，但見佢真係唔識，例如分注唔知點分，加上亦有不少朋友又不斷叫我俾個參考組合，睇吓點買10注，我就用Ticker的應用程式，建立一個回溯組合，假設有100萬現金， 用過去一兩個月文章建議的入市價，一注約10萬元，睇睇實戰情況如何。(若有睇我專欄的朋友也應持有我講組合內的股 份)

對較怕風險的朋友，我一般會建議分注入市，就以分注為例。我在1 2月9日的文章「大雞食細米 上落走波幅」，提過匯控當時65.35元，回到62元可以開始買，當時無提分注，若然分注是62元第一注，60元第二注，58元第三注，因為佢短期低位約57.4元，第三注定58元不易穿。結果只是入得一注62元，現價66.2元。升到70元可沽，有13%回報。

第二隻中海外(688)，當時價格22.4元，22元開始入，假設22元一注，21.5元一注，21元一注，當時全年低位是2 0.7元，結果插低到20.15元，三注入齊，平均價21.5元 。現價24.8元，升到26元可以開始分注沽。

第三隻中海油(883)，這隻股上落比較密，但每次10%多一點 波幅，價位較窄，分注意義不大，只買一注，當時價格10.28元 ，建議9.5元入，賺10%10.45元走人，近日試緊低位見9 .53元，9.5元未入到，入到也是一注走短線。

第四隻越秀房產(405)，佢12月跌到4.04元時，講過穩陣可分三注，4.04元一注，3.8元一注，3.6元一注 ，結果低位4.02元，入得一注，現價4.43元。

第五隻中航科工(2357)，佢長期在5元至6元中間走動，可以在近5元買近6元沽，12月時以5.2、5.1、5元這樣分注，也只入到一注5.2元，之後1月頭彈到5.85元已經走咗。食到一注回報12.5%。

簡單總結，100萬的10注中，曾投資6注，有1注中航科工已平倉，尚餘5注，3注是中國海外，另外兩注是越秀房產和匯控。按已投資的60萬計，帳面利潤6.9萬元，帳面回報11.9%，若以100萬元計，有6.9%回報(現在有50萬現金未投資)。

買股票蝕易過賺，買入的股票有賺可以話有點運氣，因為睇中去年1 2月是低位部份建了倉。用Ticker建組合方式去睇， 比較一目了然。建議組合內的股票暫時持有，候高減持。

陸羽仁

** 博客文章文責自負,不代表本公司立場 **

近排鋼股當炒，有網友揸住陳年的鞍鋼股份（0347）， 幾年無郁，問我好唔好溝一溝貨。佢在2011年買，當時購入價10元左右(真實數字他已忘記)，現價升到5.94元， 問好唔好買多啲？

我問佢去年年初鞍鋼跌到2.65元時做乜唔買要而家買? 佢話當時無人睇好個市，唔敢買，而家人人都話鋼股好，所以想買。

我講咗幾點，第一，唔好用「溝」的心態買股，手有平貨， 即係隻股跌，佢可能係一隻衰股，不要因為自己揸住一隻衰股， 而買多啲。想買，要分析到隻股的走勢和基本因素值得買，才去買。

第二，若揸長線，股價平的時候買，好過升近一年高位才買。若是「 投機的我」，就順勢去炒，升市莫估頂，食住個勢順炒。但「 投資的我」並不相同，唔平唔買，唔好在一年高位附近買。

睇鞍鋼，從一年低位2.65元升到而家5.94元，升咗124% ，剛造了一年高位6.15元，點講都唔平， 而家炒緊鋼鐵業因去產能有成效、內地經濟回穩、特朗普效應， 加加埋埋炒行業轉勢，轉虧為盈，所以升咁多。

鞍鋼1年圖

睇一年圖鞍鋼係節節上升，走勢好靚。睇5年圖，高位其實都在6.5元左近，距離而家唔遠，現價開始升近2015年高位附近，當時係內地大牛市的高峰。要問鞍鋼雖好，係唔係夠條件大幅升穿當年高位？

鞍鋼5年圖

再睇遠啲，睇佢16年圖，在2007年末段曾喪升上35元左右的超高位，但大家記著那時是一個大牛市，同現時的市況差很遠。

鞍鋼16年圖

第三，睇鞍鋼的基本因素，佢去年中期業績純利3億元(人民幣)， 按年大增94%，期內錄營業總收入254.3億元，按年跌12. 3%；鋼壓延加工業毛利率為12.65%，按年升0.27個百分 點；若按產品分類，熱軋薄板系列產品毛利率按年增8.97個百分 點，至15.16%；冷軋薄板系列產品毛利率按年跌4.67個百 分點，至12.34%；中厚板毛利率為5.48%，按年跌9. 27個百分點。基本經營狀況在改善中。

但鞍鋼升到如今，總市值已有438億元人民幣， 即使佢全年純利去番20億，市盈率仍然有22倍， 如今股價在超前反映盈利改善的狀況。

大行雖然調高鋼股估價，但對前景不是一面倒看好。德銀報告指出， 中國鋼材庫存補充需求將持續至今年，加上內地推行供給側改革， 將可助鋼廠進一步恢復盈利能力。 即將上任的美國候任總統特朗普經濟理念，2020年東京舉行奧林 匹克，以及印度及東南亞地區需求的增長， 將協助維持鋼鐵行業的上行周期。

該行指，基於上述原因，料2018年鋼廠利用率很大可能改善至8 0%，因此，相信中國及亞洲鋼廠盈利能力將提升及可持續， 從而觸發鋼材股可獲重新評級，將鞍鋼及馬鋼(0323) 評級由「持有」上調至「買入」，鞍鋼目標價由4.27元升至6. 9元；馬鋼目標價由2.06元升至3.5元。

但德銀也表示，中國鋼鐵業供需趨向平衡， 真正得益的是中國以外的鋼廠，因內地推行供給側改革， 中國鋼廠或需應付高企的經營成本，將導致更多廠房倒閉， 在行業進行整合時，估值普遍較昂貴。該行相信， 非中資鋼材股對投資者而言更為吸引，因其增長空間較大， 估值相對較低。

睇完幾大因素，可以估計未來鋼股仲會上行一段，上試2015年高 位，但若論基本因素，價格開始貴，是宜炒不宜揸的格局。 升市莫估頂，但也不一定將熱炒股作長揸之選。