股神巴菲特講過，在人們貪婪時我恐懼，在人們恐懼時我貪婪。如今恆指升上24,000點樓上，一日成交過千億，雖然可以講散戶好貪婪，因為仲未有好多好日唔見的朋友打俾我問冧巴，但係證券行唱好的人越來越多，套用股神的智慧，依家唔係長線投資者應該太貪婪的時候。人地心雄，我就企後少少。
我上個星期講到參考的投資組合，10注之中，有5注重未買貨，本來想等招商中國基金（133 )回吐時買啲貨，但等極佢都唔回吐，仲升左上去，所以只能做塘邊鶴，得個睇字。
我唔敢話現在個市已經升到頂，睇走勢仲作勢上衝，但每日過千億成交，股市有相當熱度，從時間上計，點講呢個升浪可能都已經升咗超過一半，甚至行咗三分之二，如果在現時高追，諗住揸中線，恐怕會中伏，當然短炒就例外。
係呢啲市況冇乜野好買，只係隻中海油(883)平少少，現價9.52元，可入一注，若然買完再回到9.2元，再入一注，不過除非油價急跌，否則呢一浪應該唔會去返9.2元咁低。
中海油一年圖
加上中海油這一注，現時組合是投入了6注，還有4注即40萬元尚未投入，暫時收益率是12.1%。由於組合是穩陣派，不會短期炒作，不想高追，所以不要期望回報會太高。
陸羽仁
** 博客文章文責自負,不代表本公司立場 **
大市去到950幾億成交，比較暢旺，有錢炒吓。昨日和朋友談論到個市係短炒還是長炒，有中環茶友話長線睇好，有「債券通」，可能有大行情。我就就話自己只是中短線睇好，只睇一個中小行情，估呢浪炒埋第一季要抖抖，但目前市況仲有得去吓。
去年12月人民幣開始大跌時，我講過幾次人仔可能不再會出現1月下跌，建議大家低位建倉，如12月2日文章「人仔12月見短底」，就係預示今年1月人仔和股市反彈回升，之後亦有不同文章提了一堆股票，叫大家低吸， 當中有些完全見晒低位到晒價如中國海外(688)， 也有些部份到價只買到一注如越秀房產(405)、匯控(005) 和中航科工(2357)等等。
後來在1月20日我又寫了「一個組合有10注點樣分散投資?」網友May不斷追問究竟如何用我建議的股份設立組合，話見跌又唔敢買，升又唔敢沽，想有個參考。我本來不想設組合，因為想大家自己熟習買賣技巧，自己思考，但見佢真係唔識，例如分注唔知點分，加上亦有不少朋友又不斷叫我俾個參考組合，睇吓點買10注，我就用Ticker的應用程式，建立一個回溯組合，假設有100萬現金， 用過去一兩個月文章建議的入市價，一注約10萬元，睇睇實戰情況如何。(若有睇我專欄的朋友也應持有我講組合內的股 份)
對較怕風險的朋友，我一般會建議分注入市，就以分注為例。我在1 2月9日的文章「大雞食細米 上落走波幅」，提過匯控當時65.35元，回到62元可以開始買，當時無提分注，若然分注是62元第一注，60元第二注，58元第三注，因為佢短期低位約57.4元，第三注定58元不易穿。結果只是入得一注62元，現價66.2元。升到70元可沽，有13%回報。
第二隻中海外(688)，當時價格22.4元，22元開始入，假設22元一注，21.5元一注，21元一注，當時全年低位是2 0.7元，結果插低到20.15元，三注入齊，平均價21.5元 。現價24.8元，升到26元可以開始分注沽。
第三隻中海油(883)，這隻股上落比較密，但每次10%多一點 波幅，價位較窄，分注意義不大，只買一注，當時價格10.28元 ，建議9.5元入，賺10%10.45元走人，近日試緊低位見9 .53元，9.5元未入到，入到也是一注走短線。
第四隻越秀房產(405)，佢12月跌到4.04元時，講過穩陣可分三注，4.04元一注，3.8元一注，3.6元一注 ，結果低位4.02元，入得一注，現價4.43元。
第五隻中航科工(2357)，佢長期在5元至6元中間走動，可以在近5元買近6元沽，12月時以5.2、5.1、5元這樣分注，也只入到一注5.2元，之後1月頭彈到5.85元已經走咗。食到一注回報12.5%。
簡單總結，100萬的10注中，曾投資6注，有1注中航科工已平倉，尚餘5注，3注是中國海外，另外兩注是越秀房產和匯控。按已投資的60萬計，帳面利潤6.9萬元，帳面回報11.9%，若以100萬元計，有6.9%回報(現在有50萬現金未投資)。
買股票蝕易過賺，買入的股票有賺可以話有點運氣，因為睇中去年1 2月是低位部份建了倉。用Ticker建組合方式去睇， 比較一目了然。建議組合內的股票暫時持有，候高減持。
