有個散戶朋友，早前聽我建議，買咗隻中信大錳（1091），佢0.46元買，到本星期四收0.53元，好快就有15%利潤，佢傳咗個圖畀我，話睇隻股的RSI （相對強弱指數）已到70，估計好快會回吐，所以想沽出收割。
朋友傳來1091的股價圖，顯示其RSI已到70。
短時間內有15%利潤，原本已經不錯，一般情況底下，我都不會阻止人沽貨獲利。但在牛市之中，我也提供另一個分析給她，叫他再作考慮。
從大市而言，過年之後，一直上升，升得多自然有回吐壓力。從隻股本身走勢圖嚟睇，12月中回到0.4元左右嘅低位，過去一個月一直反彈，週四升上0.55元的高位，佢彈得既急且快，未來自然有點回吐壓力。若回到得少，可以去番0.5元。若回吐得多一點，去番朋友的買入位0.46元，也不為奇。
既然隻股可能會吐，所以表面上看，應先沽出股票，等回吐買番，連波幅都食埋。不過如果佢估計隻股後市仍然會升，我就建議佢唔好沽。因爲沽完之後，隻股回吐到0.48，0.49元，未到佢之前的買入位0.46元，可能佢又唔想買，結果就係食咗15%離咗場。
我估計中信大錳在2月底公佈業績前後，還有一浪上升，太快沽貨離場，可能會錯過這個升浪。
炒股要順勢，現在大市是牛市之勢，我們要順著大市回調的時候買貨，而不是太快沽清手頭上的持貨。在牛市當中，股份回吐的幅度往往比我們想像中的少。沽完貨之後，有機會因為跌得唔夠而買唔番，所以不要太積極沽貨，不要老是想走好短的波幅。在牛市中要坐得住股票，先至可以贏錢。
陸羽仁
** 博客文章文責自負,不代表本公司立場 **
最近石油價格再升，紐約期油自去年11月升穿55美元的阻力位之後，反覆向上，再升穿60元的阻力，最新報61.9美元。
圖:紐約期油1年圖
一班朋友議論2018年油價可以去到什麼水位，如果睇過去一年，油價已創新高，但係如果我哋打開一個5年圖，會發現油價已經突破咗過去3年的阻力位，一直向更高位邁進。
圖:紐約期油5年圖
睇油價往績，2015年的高位去到103美元，之後就急插，回到40美元左右。既然油價如今已經升穿3年阻力位，有可能再向上挑戰70美元甚至80美元的更高水平。
油價有一定的再向上動力，原因包括:第一，環球經濟向好。第二，美元偏弱。第三，美國共和黨總統特朗普主政，他對傳統經濟及石油業，都抱友善態度，加上他和俄羅斯總統普京亦友好，不用壓低油價來打擊俄羅斯。總的來說，2018年上半年睇好油價的贏面大一些。
圖:中海油1年圖
若然如此，油股應該仲有得去，以我一直睇好的中海油(883)為例，昨日收12.06元，還未去到2015年的高位13.32元，估計佢在呢一浪有機會沖破13.32元這個3年高位。中海油要去到這些水平，油價要往上沖穿65甚至係70美元。另一個剌激因素係今年2月底油公司公佈業績，估計中海油去年全年月業績會比較理想，在對2018年的良好預期底下，到時中海油股價有望上穿13.32元的高位。
圖:中海油5年圖
組合中的中海油以9.5元買入，現價已經有27%的利潤，但還可以睇高小小，博佢業績公佈的時候，或者油價上湧的時候，再決定係咪走人，關鍵睇油價多啲。
而無貨者可以等中海油略為回吐時買入，目標是睇兩個月短炒，估計佢去返11.5元時，也是理想的短炒入貨位置。短炒就定10%止蝕位為宜，博有15%或以上的回報，定了止蝕安全一點。
