立於不敗 讓金蝶飛

早前提過美女G君買了金蝶國際（0268），賺了錢並問我點走，她最近又有問題。

她手持的金蝶是兩年前聽我建議，在4.19元購入，正如我早前所寫，我建議她在5.85元沽了一半，後來她問我如果嘜高一些位來沽另外的四分之一，那在甚麼位好？我就叫她7元沽，因為7元都上穿了兩年前的高位。

她開始時訂了7元的位沽，但未能成功沽出，但過兩天金蝶還衝了上去，結果她在7.99元再沽了四分之一，這一注賺得更利害，賺了91%。她問我，最後的應該怎麼辦，我說：「妳只剩下四分一注，可以長揸，就讓金蝶飛吧！」

圖：金蝶5年圖

其實美女G君在金蝶的投資，已經立於不敗之地，單計第三注她已賺了91%，差不多已經把第四注買入的成本完全收回，加上頭一、二注的賺價，即使第四注的股價跌到零，她在金蝶的投資仍然有豐厚利潤，所以她絕對有條件長揸金蝶剩餘的股份，讓金蝶飛，飛得起當然很好，飛不起亦都不會入肉。

金蝶今次之所以爆升，皆因它公布的業績相當靚仔，集團在2017年度錄得營業額約23億元人民幣，同比增長23.7%；集團經營利潤約4.2億元人民幣，同比增長69%；當中的雲業務特別受關注，實現收入近5.7億元人民幣，同比大幅增長66.7%，佔總收入達24.7%。外界就十分看好金蝶除了軟件業務外，亦相信其雲業務將來會有很好的發展前景。因此在業績公前布後，金蝶借勢炒起。

你問我三年、五年之後，金蝶可否再上層樓，發展成為一隻巨型股份，其實我答不到你，現在的走勢有一定的機會，但內地雲業務的競爭亦都相當劇烈，最後能否成功，要看集團的管理能力。

不過，從我朋友Ｇ君的角度而言，她買入金蝶已經獲得可觀的回報，剩餘的股份亦都變成無成本，所以她就有條件去長揸，博它有美好的前景。或許金蝶有30%、40%機會，最後由蝴蝶變成鳳凰，但如果不採取一個有效的買賣策略，死揸全數股份，萬一它的好景只是曇花一現，揸著這隻股份最後可能由贏變輸。

所以，不要因為部份股份沽平了而變得失望，倒不如期望剩下來股份的股價，將來可變成十倍。這個買股方法就可令到一般散戶可以控制風險，更有持貨能力，當買中有潛質的好股時，有心理承受能力可以長揸下去。

陸羽仁

** 博客文章文責自負,不代表本公司立場 **

早兩日在報紙上寫「越秀孖寶雙翼齊飛」，話越秀(0123)同佢屬下越秀房託(0405)雙雙逆市創出新高。

昨日出席一個活動，有個同事撲過來問我，她一直想買405未追到，見隻股在我講完仲升，想撲入去買。

我估我當日講得唔太清楚，其實我唔太贊成咁高入去買405。越秀(0123)係阿媽，係一間房地產開發公司，增長會長啲，風險也大啲。而佢屬下的越秀房託(0405)，係一間房地產信託公司，買房託等如買咗一個組合的物業，佢派息會高啲，風險細啲，但股價上升時升幅會少啲，係一種悶股。

所以如果你判斷市道好，你應該買123而唔係405，若你判斷市道風險大，就買405好啲。

另外附加一層因素係利息走向，利息向下，對405有利，更多人買佢收息，但利息向上時，佢的買家會減少。呢排利息走上，本應對佢不利，但因為阿媽越秀動作多，加上每年近派息時間佢例必升突(4月10日除淨)，所以才上升。我背後的意思是要405都唔好而家買。

我同同事講，405末期息0.1775元，現價除埋息5.29元，好想買都拆開幾份錢買，例如想買30萬，5.2元買10萬，5元買10萬4.8元買10萬。分批向下買，買唔到就算。

圖: 越秀1年圖

我反而更留意越秀，佢去年全年多賺46.8%至22.6億元（人民幣．下同），派末期息5.2港仙。全年錄得合同銷售（連同合營公司項目的銷售）金額約408.7億元，按年升35.1%；董事長張招興表示，今年的銷售目標為550億元，按年升35%，而2020年的銷售目標則是800億元以上，爭取達至千億元。

越秀話想在內地出多隻房託，就係想將自己的商用物業沽俾新的房託，套現進取一些投地賣樓。越秀現價稍高，不宜高追，現價近1.9元，回到1.7元可分段吸，佢係一隻可以見低吸納，慢慢儲貨的股票，長揸睇到2020年。