舊同事德仔來電，跟我哭訴說他終於失戀了，他追了很久的同事Wendy，最後對他說她要與另一名同事Michael結婚了。Wendy雖不算超級靚女，但樣貌都十分cutie，在同事群中甚受歡迎， 德仔都追了她三﹑四年，終告失敗。
Wendy一直都是在德仔與Michael之間去作出選擇，也有和兩個男仔去街。德仔之前跟我說起他這段三角關係，我都覺得有點兒奇怪，奇怪怎可以長期如此。但打從今年開始，Wendy已減少跟德仔來往， 慢慢投向Michael的懷抱。我對他們公司的情況，只是從德仔的口中了解，三位都是Marketing部門同一level的中層人仕， 論事業走勢應是德仔的形勢好些， 較大機會再上一層樓。
但Wendy 都是揀Michael，原因好簡單， Michael 高又高德仔3吋， 靚仔又靚過德仔3分，後生女喜歡靚仔似乎都是很正常。德仔十分氣悶約我飲嘢傾訴， 越講越激動還哭了起來，德仔都算是我的晚輩朋友， 見這狀況都不知如何開解他， 我只好跟他講吓佛偈同吹吓股票。
我講的是佛祖釋迦牟尼的故事, 釋迦牟尼原是印度的一個太子，原名悉達多，享盡人間榮華富貴，本是等待承接王位，但後來微服出巡，見到老人、病人、死人，突驚覺人生無常。 返到皇宮苦思不得良策， 最後想出家修苦行， 但不捨得他的超級美人太子妃。
他半夜起身，看着熟睡的太太，口鼻流涎， 發覺即使是一個美女，都只是一個皮相啫！看得多見到慣半夜看都是很平常，瞓覺一樣流口水，結果便毅然出家了。這故事可能教訓太太們，即使在家都需要執得靚靚，才可留住老公。我亦用這故事跟德仔講，你現在追不到這個女朋友，5年、10年後睇，靚一點、醜一點見慣了都是一樣，美醜只是一個皮相。
這還不特止，我還用睇股票的角度來看這件事，睇穿皮相，深入本質，Wendy 是否一隻優質股呢? 買股票投資，不是買一日買一星期，如投資起碼持有10年8年，正如股神巴菲特講買股票，你想與那公司做人世，才好買這股票。
在德仔口中的Wendy是很貪玩，放假成日去玩。 Michael 除了比德仔靚仔外， 也很會帶人去玩，成日帶Wendy到處去，玩得很開心。不過老人家有句話，娶妻求淑女，無話娶妻求wet妹，人年紀越大越，越會明白這道理。Wendy 可能唔夠淑，跟她一齊玩就可以，拍拖就happy，如跟她結婚， 將來生仔後， 她未必有心機湊，亦不會湊得好；試想下如每個周末都要帶小朋友出去玩，仔女個心都玩到野哂，都不能讀得好書啦！
雖然這樣說似乎過份冷靜，過份理性，用來分析情感事，未必好貼切， 但人的姻緣是可遇不可求的，有時錯過咗，又是否那麼可惜呢？
陸羽仁
** 博客文章文責自負,不代表本公司立場 **
