近排股升到冚冚聲，我上星期建議大家，如果玩大股炒波幅的話， 例如中海外（688）及萬科（2202），見高位可以食糊。 有些朋友跟住做，食咗糊。其中萬科走勢比中海外弱一些，最高升到 19.96元，現時回落至18.22元，高位食糊，無遺憾， 可以等待它回吐後才買回。食到糊的朋友平均執到10幾%回報， 也算不錯。
我之前提過，現時A股是牛市，但港股想牛，卻未牛得起， 主要係外資仍未睇好港股。你看上證綜指已經上晒新高，衝穿380 0點，但以香港H股為例，卻只是微穿高位，一些內股大股如萬科， 更未上到高位，甚至還明顯地未擺脫橫行的態勢。不過， 我的看法仍然比較樂觀，建議愛穩陣鐘意炒大股上落的朋友， 等這些股份回深少少，又可以再吸納。記住，要保持一個態度： 紅色股的升浪會慢慢展開，總體策略是以吸納為主。
內地股市升喪升，大股升唔多，但某些中型紅色股就係咁升。 當中有幾隻股票是我之前在巴士的報及頭條網上提過的， 如中航科工（2357）、金山軟件(3888)、保利協鑫( 3800)等，都甚有炒味。我在3月20日建議大家入市中航科工 時候還是4.9元，5元未到，昨日再升6.7%，已經升穿6元， 收6.22元。在這樣短的時間內，可以升27%， 入了貨的朋友都應該好開心。有很多朋友買了我建議的股票， 見到股價升了，問我應否沽出？我典型的反應是：有錢賺的， 沽出部份食糊，無壞喎。
由於不同人買股動機不同，對揸貨時間長短的期望也不同。 三言兩語，很難說得清，但無論如何，在有錢賺的時候， 你想沽我一定唔會阻止，我的原則是落了袋才是真錢， 所以唔會阻人放錢落袋，沽一啲留一啲，再升都開心架。 但你要我講詳細啲，我又可以分析吓，睇盤路佢地似乎未炒完。
以我此前提過的三隻股票為例，包括中航科工今天升6.7%、 金山軟件（3888）昨日升3.3%，保利協鑫（3800） 今昨日升4.8%。但以累積計，中航科工及金山軟件升得比較多， 保利協鑫升得少一些，但都超過兩成， 它們都是近日比較活躍的股份。
我推介這三隻股票的原因除了因為它們有一定的基本條件之外， 亦因為它們都曾大炒，然後回落整固。 中航科工去年在大市大炒軍工概念時大幅炒上(而家升近當時高位) ；金山軟件於一年多前狂炒科技股時亦炒了上去， 原因是金山軟件老闆雷軍，也是熱爆內地的「小米」手機的老闆； 而主要從事太陽能業的保利協鑫，則因為熱炒太陽能概念大翻身， 之前炒過一轉。不過，三隻股票其後都深度回落。
我觀察到這三隻股已經築底，在底部橫行了一段時間， 可能開始向上，所以建議大家留意。三隻股票近排急升， 顯然有內地資金炒作。內地炒股手法較狼，睇落好似未炒完。不過， 要留意股價升得急，便會出現回檔，但回檔之後，又會再向上， 若然貨少等佢地回深少少仍可吸。如果你不是太短線的話， 持貨不沽出也無妨，因為股價似乎仍有再向上走的空間。 揸重貨怕風險不用跟到盡，沽出部份食糊先，其餘唔好沽清， 再睇一段。
陸羽仁
** 博客文章文責自負,不代表本公司立場 **
