剛剛看到時裝品牌寶姿（589）的消息， 這家公司是經營的是自主時裝品牌POTRS，我過去出入內地， 在機場經常見到寶姿的廣告。早幾年寶姿也很用心打造品牌， 要與外國名牌競爭，曾揚言要打造「中國職業女性心中的Chanel」，而內地女性也相當受落，一度視其為中高檔品牌。
不過，隨著內地市場的開放，購物管道多了、競爭大了， 再加上嚴厲的打貪腐，令到寶姿這些本地名牌的銷路下降。 最近公司公布將退出傳統的時裝服飾業務，將PORTS的品牌生意賣掉，先以6億元人民幣出售時裝和服飾業務20%權益予深圳市東 方富海投資管理有限公司，並可能以24億元繼續出售餘下的80% 權益。
睇住寶姿時裝生意的興衰，潮起潮落，令人感嘆。 呢個牌子在1961年創立於加拿大多倫多，已有54年歷史，在1 989年被幫佢做代工生產的香港陳啟泰家族收購， 將寶姿的經營中心就轉移到亞洲，並於1993年成為首個進入內地的國際高端女裝品牌，曾經相當成功。
我自己當時都好留意寶姿，除了睇佢有無投資價值外，亦關心非國際性大品牌有無機會在中國這個新興市場殺出血路。寶姿曾經好得，高峰期是2008年，股價最高上過31.5元。在 2010年開始明顯走下坡，當年仍賺4.7億元人民幣，盈利之後逐步跌，到去年中期純利大跌六成至5,496.5萬元，而至去年12月底止全年業績純利7324萬元，按年跌75. 04%。即係話去年下半年業績仲差過上半年。
寶姿生意唔得，股價在去年12月中跌到2.34元低位， 比高峰大跌92.5%。 後來大股東陳漢傑及陳啟泰收購主要股東富達基金6.8%股份後，以每股3元全面收購，不過股價隨後慢慢炒上，小股東自然唔會接受 3元的全面收購價，隻股維持上市地位，昨日收5.98元。
寶姿唔玩時裝，將來會搞乜暫時未知，但佢一早部署咗將寶姿PORTS的生意賣掉，因為公司早前公布會改名做「 寶國國際控股有限公司」。股份炒起也有理由，第一手上有錢。公司本來有13億人仔現金，再加上寶姿時裝生意如果按計劃賣得成，可以收到30億，加埋公司原有現金，即合共43億人仔，即係近53.8億港紙現金 ，都未計個殼如果賣都值5億。而家佢市值只有33.2億港紙， 遠低於可能的現金值。仲有係公司股權好集中，有80%在大股東及 關連人士手中，只有20%街貨，比較好炒。
大股東年初時曾提出3元全面收購，即係公司總市值作價16.6億 ，結果就由原來33%持股增加到80%，都只係用咗7. 8億左右，如今按現價兩個月前收的股份都升值左一倍。 而且間公司變咗一隻現金牛加個殼，最後唔知做乜嘢啦。
陸羽仁
** 博客文章文責自負,不代表本公司立場 **
內地和本地股市終於出現似樣少少的調整，雖然講到話似小股災， 但內地股市升得咁急，升得急，回得快，好正常，調整下先至健康， 唔使太驚會馬上爆煲，反而調整係低吸的機會，可以耐心尋下寶。
我星期二在《頭條日報》的專欄，叫大家留意深圳的發展。文中提到一隻由深圳市政府控制的內房股，深圳控股（604）， 講完以後，股價在這兩日逆市向上，昨日股市大插佢都無升跌，收4 .18元。有朋友來電，要我詳細點講講， 點解這類型股票有投資價值。
其實，我一直都有留意內地房地產市場情況， 深圳是其中一個我睇好的城市。內地中央部委於3月30日推出一輪挽救房市政策（3.30政策）之後，國內的房地產市場，開始回暖。然而，深圳現時還有限購令，外地人不容易在深圳買樓。個多月前，有網友問起深圳旺區500平方呎二手單位，售價折合175萬港元，呎價大約3500元，今時今日睇價錢不貴，特別係深圳未來的經濟發展前景比較好，對房地產有利。
前兩天與一位廣州朋友到了深圳，朋友慨歎，二十幾年前的深圳， 才真是「一帶一路」，整個深圳就是火車站附近的一帶和一條路，叫做略為繁忙少少，其他地方水靜鵝飛。現在已經完全唔同， 經濟規模和發展速度更係明顯快過廣州。
香港樓價太貴，買唔落手，如果從投資角度而言，可以在內地一些發展潛質強勁的城市中買樓，當做一個對沖。不過，在國內買樓手續始終比較煩瑣，若睇好深圳房地產市場，但又怕煩的話，我覺得可以留意深圳控股。
深圳控股現時擁有土地儲備超過1000萬平方米， 在黃金地段則持有60萬平方米的物業，集團的股權有43.1%由 深圳市政府持有，屬於「國家隊」，給人的信心又會大些。 而深圳控股惟一的壞處，是股價近期升得較急，兩個月前還是2.4 元，現時已抽上4.18元，睇落股價有點貴。
內房股股價此前比較呆滯，很大程度與內地樓市疲弱有關。但自從3 .30政策出台以後，內地房地產開始回穩，深圳樓市更係有點過熱，在不足兩個月的時間內，深圳一些熱點， 例如前海、龍華、寶中等地區，房價跳升近4成！ 深圳市政府固然不想樓價下跌，但也不願意見到樓價上升得太急。 不過，在內地整體經濟比較疲弱的情況下，即使樓價上升，估計也不會出招勒住樓市。據深圳官方的測算， 如果房地產投資增速能夠保持在20%以上， 對整體深圳經濟增長達到8%至9%，將成為一個有力的支撐。深圳去年的房地產投資增速為20.5%，今年首季接近30%， 如果能夠維持著這個增速，將對深圳經濟發展很有利，因此，看不到政府短期內會出手打壓樓市。
3.30政策推出之後，內地發展商在深圳積極推盤，至4月底， 深圳商品房累計批准預售達到132萬平方米，較去年同期增加了1 24.2%。雖然增速如此迅猛，但去貨仍然很快，市場供應還是比較緊張。深圳市現時面對的最大問題是土地庫存不足，沒有新地可用，而舊地改造的時間很長。房屋供應緊張的情況長期存在，現時樓價急速上升，與供應不足的因素關係很大。深控有一定的深圳土地儲備，有投資價值。
綜合而言，深圳控股現價4.2元，市盈率7.8倍，收益率3.8 厘，我覺得可以考慮。現時大市在調整中，不排除它也會回低少少， 擔心風險者可以等回到3.5元左右才買， 問題是也可能回不到此水平，不一定買得到。 另一個方法是分注買入，現價買一注，回落至3.8元，再買一注。 吸納之後，睇中長線。如果大家對內地未來一兩年的房市有信心， 又睇好深圳發展，長揸也沒問題。
