淡定有錢剩

最近同朋友食飯，都有唔少人都在哭股喪，高追咗依家坐緊艇。 唔同人講高追價位都唔同，有啲人真係好高，差唔多在4月在52周 高位時追貨，我就話呢啲比較難救，但亦有唔少人係在6月底、7月 前暴跌之初買貨，都係中等價位，呢啲容易救啲，守吓有機會。

我見大家咁垂頭喪氣，就話：你哋咁慘，睇得咁淡， 或者都係一個逆向指標，顯示出個市現在比較差， 依家唔係沽貨的時候。朋友問我有乜嘢建議，我就話「無貨儲貨， 有貨坐吓」，意思係你手上貨好少現金好多， 可以慢慢見股票低時買番啲貨，但如果成手貨就唔好買咁多， 但依家亦唔係沽貨時候。

今年4月係異乎尋常的升市，唔好期望啲種升市會重新復見， 未來有升市都係普通啲的升市。一般而言， 在市升時大家都比較樂觀，睇得好好，想去買嘢， 通常升開短時間都會繼續升，好似好啱，但升一段又回頭， 高追會中招。

掉番轉頭在另一啲時候，有少少似依家咁，大家就好悲觀， 想去沽貨，想離開呢個熱廚房，想將股票沽清走晒， 脫離呢種痛苦的感覺。正正好多人係咁，最手震的一批都已經走咗， 個市慢慢會定番啲。依家反而唔係沽貨的時候，股票巴菲特講， 在別人貪婪時候恐惧，在別人恐惧時貪婪，就係咁的意思。

我哋睇番恒指今年的高位，28588點，跟住一棍隊落嚟， 隊到得低位22836幾點，依家彈番上去之後，又再回吐， 二次探底，今日收24375點。我估呢次插穿低位的機會唔大，在 8月呢個時候，成交又細，都仲會反覆尋吓底。 外圍美國有加息的陰影，而大陸的股市亦都在災後重建過程當中， 新加坡富時A50指數仲有大量8月淡倉未平， 所以內地股市亦唔係咁一帆風順，在無乜好消息下， 港股只能反覆上落。

而且內地股市亦在一個去槓桿化的過程，大量減少股市孖展融資， 所以內地股市成交會愈來愈少，亦都影響香港，你睇香港依家去番6 00幾億成交，同高峰2000億以上的成交，差咗好遠， 在低成交的時候，股票陰陰地向下，所以8月可能係挨打的時候。

但係挨打的時候，大家心情好差，有股票想沽，唔想睇， 呢啲係貨少者趁低吸納的時候， 貨多者唔買亦唔使將手上的股票清倉。否則調番轉頭， 到個股市好番啲，到時又急急腳想買， 咁又變成一個低沽高揸的典型散戶啦。不如淡定有錢剩啦。

陸羽仁

** 博客文章文責自負,不代表本公司立場 **

最近和中環茶友飲茶，講起一個「重操故業」的問題， 在過去大市差差地的年代，主要是上落市， 大家都慣咗買大股走吓波幅，不過今年4月的大升市令人觀念改變了 ，在那瘋狂的歲月，若然講一兩個月走一轉食波幅，每轉食10%， 好像好羞家的事情，賺咁少講出來會俾人笑。但如今股市回復冷靜， 大家想食「爆棚」的心思雖然沒變，但得閒時何不也想想食吓「 一番」，走吓上落。

搵兩個例子講吓，一隻係萬科(2202)，一隻係中航科工( 2357)。萬科是內房龍頭大股，在升市時你會賺它唔夠味， 甚至比中國海外(688)更無炒味，52週高位也是6月9日的2 1.6元，屬於抽也抽不高的巨型股。當然，無乜點炒， 升得唔高也插得唔低，7月8日低位也只是16.6元， 唔算破晒大位。

在最近大跌後，萬科的三個高位也只是20.1至20.3元左右， 向上無乜力。低位18.04元，和周四收市價18.24元接近。 若現價揸一半，等跌到18.1元再揸另一半，若入晒平均價18. 17元，目標升10%，到19.98元沽。 若以買入價向下跌一成，要跌到16.35元，連上次大跌市的16 .6元低位都穿埋，一般唔係咁易到。10%博10%， 都有一定值博率。若然屬膽小一族，第一注現價買，第二注等17. 5元才買，平均價17.87元，防守性更強一點。

萬科4個月圖

中航科工(2357)是軍工股，在內地是當炒股份， 所以在早前牛市時升幅好勁，5月28日抽上10.5元的高位， 但炒得勁插得也勁，在7月8日的低位插到3.9元的恐怖位， 比去牛市未開始時還要低。但中航科工也彈力十足， 它在急彈後回吐，7月16日見低位6.12元， 但兩個交易日後又彈上見高位7.42元，高低差幅21.2%(三 日之內出現!)。到本周二低位5.9元，周四高位6.92元， 未知中航科工這次反彈浪頂見咗未，但三日之內高低差幅已有17. 3%。

現時中航科工股價6.72元，在短期算是中高位， 現價追入有風險，可以等它升完再回，等一浪回到6.2元左右吸納 ，睇15%升幅(即7.13元)。若以15%博15%，在6.2 元入，跌15%是回到5.27元，機會也較細。

中航科工4個月圖

如今的股市，可能由大升市回到一個上落市的狀態，8月股市波幅也 不少，可以重操故業，食吓波幅，走下上落。