食波幅實戰篇

最近人仔大貶值大風大浪，股市再插試底，不過有網友Xi電郵報喜 ，話早前跟咗我講去買入兩隻股食波幅，一隻食到一隻食唔到，都執番少少幫補吓喎。

我在兩星期前7月31日講到可以炒炒波幅，目標係內房龍頭萬科( 2202)和軍工股中航科工(2357)，我講萬科可以當時現價 18.24元揸一半，等跌到18.1元再揸另一半，若入晒平均價 18. 17元，目標升10%，到19.98元沽。

當時講另一隻中航科工(2357)當時股價6.72元， 話那些價追入有風險，可以等它回到6.2元左右吸納 ，睇15%升幅(即7.13元)。

結果網友Xi真係在18.24元買了萬科，但只買了一注， 因為萬科當日最低只見18.16元，但佢set咗位回到18. 24元已經買咗，無見過18.1元，買唔到第二注。佢set 咗賺10%在20.06沽，但8月11日最高只見19.86元， 和沽貨位差1%，結果沽唔到。之後遇上人仔貶值跌市，而家去番1 8.6元，雖然萬科已算硬淨，但都差不多打回原型。 佢有少少揼心。

我話買股有時差少少就係咁，如果佢唔使番工睇實個市，8月11日 朝早萬科其實三次升上19.86元都升唔穿，見隻股差少少唔到價，可以在佢第二次試高時， set低少少在19.84元位置食咗佢。我的策略是食唔到10% ，9%也殺，短線至緊要有得食。但要番工唔貼市無辦法。

網友Xi隻中航科工就食到好應，佢8月3日在6.2元買咗(當日 低位6.05元) ，set15%升幅在7.13元食糊，結果在8月11日(本周二 )食咗糊(當日高位7.3元)。佢在這種跌市都食到糊， 非常開心。

其實內地重組浪潮殺到軍工股， 中航科個有個仔中航電子係重組目標之一，所以中航科工逆市炒上，不受跌市影響。

事後孔明去講，中航科工在8月10日(本周一)上到7.05、 7.07元那些水位已呆呆地，即使你訂7.13元目標， 見佢上到有點乏力，在7.05元可以走，雖然未夠15%，但有1 3.7%回報，一點也不失禮，唔需要睇咁盡， 即使後來大升都係咁話，至緊要有糊食。

未來中航科工若回到6.4元，可再買入，上望15%睇7.36元 ，若然接近但升唔上，低少少食糊都得。

陸羽仁

陸羽仁

** 博客文章文責自負,不代表本公司立場 **

最近同朋友食飯，都有唔少人都在哭股喪，高追咗依家坐緊艇。 唔同人講高追價位都唔同，有啲人真係好高，差唔多在4月在52周 高位時追貨，我就話呢啲比較難救，但亦有唔少人係在6月底、7月 前暴跌之初買貨，都係中等價位，呢啲容易救啲，守吓有機會。

我見大家咁垂頭喪氣，就話：你哋咁慘，睇得咁淡， 或者都係一個逆向指標，顯示出個市現在比較差， 依家唔係沽貨的時候。朋友問我有乜嘢建議，我就話「無貨儲貨， 有貨坐吓」，意思係你手上貨好少現金好多， 可以慢慢見股票低時買番啲貨，但如果成手貨就唔好買咁多， 但依家亦唔係沽貨時候。

今年4月係異乎尋常的升市，唔好期望啲種升市會重新復見， 未來有升市都係普通啲的升市。一般而言， 在市升時大家都比較樂觀，睇得好好，想去買嘢， 通常升開短時間都會繼續升，好似好啱，但升一段又回頭， 高追會中招。

掉番轉頭在另一啲時候，有少少似依家咁，大家就好悲觀， 想去沽貨，想離開呢個熱廚房，想將股票沽清走晒， 脫離呢種痛苦的感覺。正正好多人係咁，最手震的一批都已經走咗， 個市慢慢會定番啲。依家反而唔係沽貨的時候，股票巴菲特講， 在別人貪婪時候恐惧，在別人恐惧時貪婪，就係咁的意思。

我哋睇番恒指今年的高位，28588點，跟住一棍隊落嚟， 隊到得低位22836幾點，依家彈番上去之後，又再回吐， 二次探底，今日收24375點。我估呢次插穿低位的機會唔大，在 8月呢個時候，成交又細，都仲會反覆尋吓底。 外圍美國有加息的陰影，而大陸的股市亦都在災後重建過程當中， 新加坡富時A50指數仲有大量8月淡倉未平， 所以內地股市亦唔係咁一帆風順，在無乜好消息下， 港股只能反覆上落。

而且內地股市亦在一個去槓桿化的過程，大量減少股市孖展融資， 所以內地股市成交會愈來愈少，亦都影響香港，你睇香港依家去番6 00幾億成交，同高峰2000億以上的成交，差咗好遠， 在低成交的時候，股票陰陰地向下，所以8月可能係挨打的時候。

但係挨打的時候，大家心情好差，有股票想沽，唔想睇， 呢啲係貨少者趁低吸納的時候， 貨多者唔買亦唔使將手上的股票清倉。否則調番轉頭， 到個股市好番啲，到時又急急腳想買， 咁又變成一個低沽高揸的典型散戶啦。不如淡定有錢剩啦。