點樣輸掉一千萬

逢年過節，朋友聚會，都會談起來年投資，雖然無乜人知我係陸羽仁，但都有好多人問我對投資的看法。有一個朋友我叫佢做「漏水王」，所有「水」都會從佢荷包漏走，堪稱經典中的經典。

漏水王好喜歡問股票冧巴，年年如是，愈問愈忘形，而家仲非要升100倍的冧巴不可，話要搵一隻5蚊時的騰訊(700)喎。我講講吓，近年都唔敢再對佢講任何冧巴。

漏水王係一個學歷超高的專業人士，收入穩定，起碼6、7萬一個月，年近半百，個樣好樸實，為人好善良，左睇右睇都應該係一個富婆，但我估佢身家和收入不相稱，係好少那種不相稱，佢連樓都無，主要身家係一籮雞股，數目多極有譜。

10幾年前漏水王已經有兩間樓(加埋出出入入的數目更多)，一間九龍地鐵上蓋屋邨新樓，一間香港灣仔舊樓，如果揸到今天，唔止1000萬，我估值1100、1200萬都有。可惜，佢買樓好短癮，炒出炒入，賺少少或輸少少就閃，早就沽晒兩間樓，如今兩手皆空。

漏水王愛炒股，成日望一朝發達，手上兩隻中型毫子股，百利保(617)和中芯(981)，中芯好啲，百利保差啲，夾埋無乜大作為。即使中芯升咗啲，對佢都無大幫助，因為佢0.6元買，佢想中芯變60元，所以中芯起到1元佢唔會沽，跟往去番0.6元時佢又嘈。

漏水王係一個好會嘈的人，佢早年同一間台灣銀行買咗隻ELI(股票掛釣票據)，國壽(2628)跌穿42元就要接貨，佢用200萬買，後來國壽大插，佢接到成手國壽，輸咗錢(如今國壽20元)，佢見買咗買雷曼迷債有得賠，問我好唔好同銀行打官司索償? 我話雷曼迷債事件政府被投訴監管不力，政府逼銀行賠。但你同其他銀行買ELI，點會有得賠? 你告銀行佢實同你打官司，一上高院律師費都要幾百萬，真係想找死才去告銀行。

漏水王就係咁，亂諗嘢，坐唔走，炒出炒入，成日想攞個冧巴一朝發達，結果一事無成。佢若正正經買樓坐住唔郁，或者買大股坐住唔郁，十幾廿年做嘢積埋都有過1000萬，叻少少投資都有2000萬，但佢就炒來炒去得個桔，佢胡亂炒作，起碼唔見過1000萬。

性格決定命運。唔想做另一個漏水王，第一要儲錢，第二要坐定定投資，買股收息，複式增值，唔好望買中百倍股，望一年有10%以上回報，咁樣十零廿年就上岸啦。

後記:「漏水王」揸咗好耐的中芯(981)，1月開始由0.6元炒上0.8元，農曆年間有消息流傳，話隻嘢業績幾好，炒緊轉勢，估計業績公布前還有一浸炒作。

陸羽仁已開設Facebook專頁，快啲去Like：

https://www.facebook.com/pages/%E9%99%B8%E7%BE%BD%E4%BB%81/204865603047048?hc_location=timeline

陸羽仁

** 博客文章文責自負,不代表本公司立場 **

無論市場如何擔心AI過去投資，全球還是有算力荒，即是算力不足。據內地證券時報報道，截至2026年6月，中國日均token即詞元調用量已突破500萬億。今年3月這一數字剛突破140萬億，短短3個月內增幅超過250%。中國大模型每週詞元調用量已連續超越美國，穩居全球首位。

在全球AI模型聚合平臺OpenRouter上，中國大模型包攬了調用量前5大位置，國產開源模型全球累計下載量突破100億次。詞元調用量的爆發式增長，本質上是AI應用從「會吹水」走向「會做事」的必然結果。如今「智能體」開始大規模落地，用智能體做事，一個任務要調動大量詞元，算力需求幾何級上升。

一個經常用AI編程的量化交易公司老闆轉發了開源編程代理工具OpenCode 的行政總裁Jay V 的文章給我。Jay V話，讓我告訴你 DeepSeek最新模型 v4 Flash 目前的情況。它於 8 月 1 日推出，短短兩週內，其每日詞元調用量從 3萬億暴增至 18萬億，這是 OpenCode 平台上一個荒謬的 6 倍增長。

DeepSeek這種在兩週內的跳躍式增長並不正常，這是因為該模型的價格極其低廉；比美國最強的Anthropic 旗艦模型Fable 便宜 350 倍。其次，DeepSeek v4 Flash相較前一代 Flash 模型有顯著改進。他們的用戶首次體驗到一種「廉價到無法計量的 AI」。但DeepSeek後來在 8 月 16 日將高峰時段的價格調漲 5 倍，用量自然急降，它現在每日詞元調量不到高峰期的二分之一。

那個量化交易公司老闆解讀這個現象，話DeepSeek推出新模型後，確實無法應付那種荒謬的 6 倍使量跳躍，每日18萬億詞元用量有超大的算力需求，即使他們取得新算力，也無法以原價提供服務。他認為DeepSeek新模型如此高效又如此平價，人們使用模型根本不用計較成本了，使用量暴升，就觸及算力的樽頸。他的結論是現在大模型的樽頸不是模型的創新，而是算力的制約。如今中國和美國同樣有「算力荒」。

證券時報話，詞元調用量井噴帶來的是算力需求極大爆發，而算力供給側受制於多種硬約束，短期邊際增量有限。開源證券研報引用中國信通院資料顯示，2今年一季度國內AI算力需求同比增長417%，算力有效供給增速僅128%，供需缺口持續拉大。傳統數據中心建設週期長達3年以上，難以匹配AI算力快速增加的運算需求，面臨「建成即落後」的擴容窘境。

近期無論美股或港股，都因為擔心AI投資爆煲要大受壓力，港股反彈一下又因阿里巴巴大集資受挫。但算力需求是實實在在的，所有和數據中心建設有關公司，生意都好到不得了，是生意等人的狀態。

還原基本步，中國國產AI算力的核心是芯片，最強的製造商是中芯國際(0981)，中芯在周四晚（8月27日）公布今年第2季業績，表現突出。受晶圓銷量與平均售價提升帶動，第2季營業額大升30.1億美元，按年增加36.1%，按季上升約20%。第2季純利4.8億美元，按年大增261.7%，按季增長142.7%。毛利率：25.3%，按季提升5.2個百分點。簡單來說，第2季比第1季更好，生意做到停不了手。

中芯國際今早跌至70.85元。

買其他AI芯片股部份生意未上軌道，上落好大，膽汁少啲都頂不順，但中芯已相當成熟，它的主導地位難以逆轉。中芯近日股價在66元和77元上下浮沉，今早價格70.85元，建議每見回吐下穿70元可分段吸納，買入後即使跌10、20元都不用驚。在國產替代和AI巨浪下，中芯的生意還是停不了。