商品大王羅傑斯早前來香港訪問，佢係中國大好友，長線睇好中國，佢帶埋兩個女移民咗去新加坡，就係想佢哋在亞洲區長大，學好中文。
他對中國的睇法可以話係超長線，因為佢係講緊個女長大即係10年20年之後嘅事，不過一個老外長線睇好中國嘅態度，大家都可以參考。
不過我今次唔係想講睇好或者睇淡中國，而係想講羅傑斯對股民嘅祝福語，有好多粉絲到場搵佢簽名，佢除咗簽自己個大名之外，仲寫咗Buy low(低買)兩個字，即係買股票要「低買」。我就羅傑斯嘅金句，送多兩個字俾大家，就係Sell high(高沽)。
低買高沽，好似講緊阿媽係女人嘅道理，你可能會話，鬼唔知買嘅時候要買得平，高嘅時候要沽得高咩。咁商品大王做乜仲叫人低買呢？其實好簡單，低買高沽仍然係投資贏錢嘅不二法門，意思係跌得多、人人都驚嘅時候，要忍得住手去買，升到咁上下，即使大家都覺得未見頂，亦都忍得住手去沽，做得到就唔係大家想像中咁容易啦。
我有好多實戰嘅例子，其中係美女朋友買貨和沽貨嘅故仔，呢個美女同我講佢識我之前，唔係咁經常買股，睇咗我啲專欄，見我推介一啲股票 ,佢睇完見隻股跌得多就買下，入咗見佢升得多嘅時候估下。
美女買或沽嘅時候，通常都會比個留言我，目的係想聽我覺得佢賣得好唔好，或者沽得好唔好，我經常都比一個正面嘅反應佢，即使我見到佢買時個價未見底，但佢開始分段買，我都話過我可以開始買下。又或者個市未見頂，佢開始沽，我都覺得係可以分段沽吓。
舉個例上周五美女留言，話「2357中航科工尾注剛＄6.8sold, 有10-11％gain」
佢沽的時候我都覺得軍工股或者仲得炒下，但我通常都係覺得沽亦無所謂，好似2357而家係6.89元，比佢故的時候高，或者將來會更高一點。佢有時會話自己黑仔，次次沽完之後都升，我就安慰佢，你之前冇買股，而家買股，即使只賺10、 15%，即使賺唔多，但點都有賺。
拉長去睇美女的投資方法，通常佢買唔買賣得最平，沽亦未係沽到最高，但一次賺10幾%，累積落嚟，就係不錯的回報。總好過高揸低沽。結論係高沽其實都係好考功夫，但只要有賺，沽完再升又何妨。
陸羽仁
** 博客文章文責自負,不代表本公司立場 **
近期大市在跌後反彈之中，但走勢有點弱，股份並不熱炒。朋友買了金山軟件（3888），入貨價不低，要22元，與現價20.25元相比，仍有8%差幅。他買這股份是看好金山軟件老闆雷軍的概念，儘管管現時市況好轉，但其股價仍未返到家鄉，他問我對金山的看法。
金山軟件的基本因素也可以，作為互聯網軟件股，是比較熱門股份，市盈率24.6倍，算是比較貴。金山軟件最近公佈的季度業績不錯，花旗發報告指，金山軟件第三季收入15.07億元人民幣，按季升18%，按年則升了77%，高過花旗的預期。不過，若以非通用會計準則盈利計，則按年跌55%至1.19億元人民幣，較花旗的預期低16%，主要是由於非經營項目所致。所以，花旗仍然看好金山軟件，目標價22.4元，評級「買入」。另外，花旗關注金山軟件管理層對明年手機軟件預期、對雲端格局情況，及其如何運用集團現金的情況。
金山軟件的季度業績不錯，亦令到股價在大幅反彈之中。看看金山軟件股價圖，走勢亦很清晰，正走著一條平緩的上升軌。這一浪的上升，股價看來難以回到朋友買入的水準，或者是花旗的目標價，相信要有一段較長時間才可達到。作為中長線投資，坐貨也無妨，持貨長一些時間，有機會回到22元的水準。
若以短炒的角度，當中也有低摣高沽的空間。金山軟件的走勢，有一級一級炒上的狀況，對上一浪的低位為11月17日造的17.76元，其後急速彈升，假若在低位買了，現在已有一成多少的利潤，可以食糊。估計金山軟件這一浪會升到近21元左右，便會出現較大阻力，所以，短炒一個上落波幅的話，可以先行沽貨，等待股價回落至18.5元左右才買回，順勢炒另一個波幅。在18.5元買入，看一成波幅的話，股價上到20.5元，又可以走人。
金山軟件也是一隻有質素的軟件股，雖然市盈率較貴，但中長線而言，也可以持有。買這類股份炒波幅，萬一看錯市，大市回落，即使沒有止蝕，坐貨也有機會收復失地。在在這種市道，千萬不要期望買股發大達，能夠進進出出，每次「食一番」，已經非常不錯了，原因是內地整體經濟仍未有改善，股市不會像此前般「嘭嘭聲」升上去。所以，要看準一些基本因素比較強、也有一定波動幅度的股份，順勢炒炒，也未嘗不是一個賺錢方法。
