大家期待好耐嘅五千元電子消費券第一期,最快喺周日到手啦!各商場推優惠吸客,當中K11 Musea有總值二百萬元嘅抽獎活動,獎品包括十萬元K Dollar及香港瑰麗酒店住宿套票等。
  K11 MUSEA下月一日至十五日大抽獎,顧客喺館內同日累積消費達五千元,即可獲一次抽獎機會,如惠顧館內餐廳就多獲一次抽獎機會。抽獎活動獎品包括十萬元K Dollar、香港瑰麗酒店住宿套票、PURE Fitness at K11 MUSEA一年健身會籍、iPhone 12等。
  鄰近海港城也出招,由下月一日至九月三十日喺海港城及時代廣場以消費券或指定電子貨幣消費,除咗可換領商場現有嘅消費獎賞,更可額外專享「100%消費回贈」,消費滿二千元送二千元優惠券;滿五千元再送五千元優惠券!
  新鴻基嘅YOHO MALL 形點、MOKO 新世紀廣場及新都會廣場,周四起增設「新地商場JETSO網」,顧客可經網頁限時以七折預先搶購近五十個星級品牌嘅電子購物禮券,包括星級美妝、時裝、運動、童裝及保健品牌。
Kelly Chu